Na mafai ona fesoasoani ma faasa’oloto mai e nisi o le atunuu na pasi atu i le vaega tonu na tupu ai le faalavelave tau taavale na aofia ai ma tamaiti e to’a 6.

Faamatalaina i lipoti e to’a 8 tagata e aofia ai tamaiti ia e to’a 6 sa faimalaga atu i se minivan na taavalevale i luga o le Hume Highway i le itu i Saute o NSW.

Fai mai le 7News o le ave van e talitonuina o se alii pe ā ma le 50 tausaga le matua ma lana pasese o sui uma o se aiga na aveesea uma mai le van lea e nai tagata na iai i le nofoaga lea i le taimi o le faalavelave.

Fai mai lipoti e talitonuina o se tasi o pasese o se tamaitiiti e iai aafiaga tumau.

E tigaina le avetaavale ma ua togafitia i le falema’i i Liverpool faatasi ai ma se tamaitai 30 tausaga le matua o loo togafitia i le falema’i i Canberra.

Fai mai e tigaina foi isi tamaiti e to’atolu o loo togafitia foi i le falema’i.

Puna o Faamatalaga: https://www.9news.com.au/national/several-injured-after-minibus-crash-in-nsw-southern-highlands/cfec97b6-3b4c-4861-b980-cc98eec3da77