E to’atolu nai tamaiti e i lalo o le 5 tausaga le matutua o loo taofia nei i le falema’i ina ua aveeseina mai se fale na mu i Melepone i le aso ananafi.

E tolusefulu fuimu na galulue i le tapēina o le afi i le fale i le faaitu o Sydenham i Melepone, fai mai na o latou lavea’i mai ai tamaiti ia e to’atolu, e i lalo uma o le ta’i 5 tausaga le matutua, ma ave loa i le falema’i i ni tulaga tigaina.

Lipotia e le 9News e ta ane le 11 i le po anapo ua pe le afi ma sa iai pea le tineimu i lea nofoaga e faamautu ua saogalemu ae o se pepa o faamatalaga mai le Victoria Police i le asō ua tāua ai ona susunu e le tagata le fale ma o loo faia iai su’esu’ega.

Ua agiga foi i lipoti e foliga e lei iai mātua o tamaiti i le fale i le taimi lea peitai o loo tālia se isi lipoti lata mai o lea faalavelave pe a mae’a le su’esu’ega a leoleo.

Puna o Faamatalaga: https://www.9news.com.au/national/three-children-in-hospital-after-melbourne-house-fire/9c0746ea-05af-47b7-a4ee-8edd646b68c7