Fai mai e toatolu lelei le laina i luma a le All Blacks ole a le mafai ona taaalo i le taaloga ma Iapani i le vaiaso fou ona o manuaga.

O Ethan Blackadder, Luke Jacobsen ma Dalton Papalii. O lona uiga o le a le malaga faatasi foi ma le au mo lea faamoemoe. Ua maua ai ma le avanoa o alii taaalo talavou, pei o Peter Lakai mai le Hurricanes, le loka a le Chiefs ma Taranaki o Josh Lord.

Saunoa le faiaoga Robertson ua matala ai foi le avanoa mo isi tama taaalo ma o le a faaauau pea ona mataitu manuaga o le aualii e toatolu ua le avanoa mo le taaloga lea ao lei malaga atu le au i Enelagi.

Ua lipotia foi i le herald e toafitu isi sui o le All Blacks 15 o le a malaga faatasi ma le au i Iapani ma o le a faatasitasi uma ai mulimuliane i Aialani e sauni ai mo ana taaloga i lea faaitu o le lalolagi.

Puna o Faamatalaga: https://www.nzherald.co.nz/sport/rugby/all-blacks/all-blacks-hit-with-injuries-to-loose-forward-trio-for-japan-test/V4II344XBNHRLM2KS6AED7LLQE/