Ua matuā toatele le fuainumera o tagata Papua Niu Kini ua maua i le HIV, ma o loo masalomia le isi lipoti o le 2023 e toatele atu.

I faamaumauga a le National Aids Council a Papua faamauina ai le 6,500 cases i totonu o le tausaga talu ai, e tusa lea ma le 18 cases i totonu o le aso e tasi.

Tuuaia ai foi o le isi itu e mafua ai, o le lē lava o faalauiloa mo puipuiga ma o le tele o polokalame faalauiloa nei na taofia ona ua leai se tupe.

O le molimau a lē sa avea ma minisita o le va i fafo a Papua e tusa ma lipoti a le leitio a Niu Sila, o lea lava sa tele ina faalagolago i fesoasoani alu atu i atunuu i fafo, peitai na osofai mai loa le Koviti taofia loa.

O loo faatali faamaumauga o le 2023, ae o loo iai masalosaloga e ono sili atu ona toatele atu na i lo le fuainumera ua ta’ua mai o le 2022.