O faama’i lē pipisi ua faamauina o loo silia i mafuaaga o le maliliu o tagata mai atunuu e 56 a malo o le Taupulega.

Ua faamauina e oo atu i le 150 miliona tagata mai le 30 aga’i i le 70 tausaga le matutua e maliliu ai mai atumotu tau atia’e.

Ma na faamanino e le Faatonu Sili o le Matagaluega o le Soifua Mālōlōina a Samoa o Aiono Alec Ekeroma i le fonotaga i le vaiaso talu ai, o Samoa o loo taumafai lava e una’i polokalame i totonu o aiga ina ia malamalama tagata i le faafitauli ua iai nei.

Saunoa Aiono o lea faafitauli e lē o māmā i le vaai a Samoa ae o loo taumafai e aumai uma tagata ina ia tutū faatasi e faia auala e faaitiitia ai le aafia o tagata i faama’i lē pipisi.

Ma o se itu foi na tāpā ai le galulue faatasi o atunuu uma o malo o le Taupulega auā se suiga o lenei faafitauli.