Ua oo i se tulaga maualuga popolega i itu tau tupe i totonu o Ausetalia, o le i’uga lea o se tasi o su’esu’ega i auaunaga tau tupe ua faailoa mai i le asō.
O le Financial Wellness report mai le kamupani a le AMP ua faailoa ai e to’atasi mai le to’atolu o tagata faigaluega i Ausetalia ua matua’i faalogoina lu’itau i tulaga tau tupe ma e atagia i auaunaga e pei o le maimoaina o ata i luga o upega tafa’ilagi aemaise o memberships i fale toleni.
E lē gata i lea ua iloa i le su’esu’ega e to’atele tagata ua sa’ili fesoasoani i aiga ma le social media mo le sa’ilia o ni tupe.
Ua maitauina foi i le su’esu’ega le faaitiitia o tupe teu a tagata poo savings ma le faaitiitia o tupe faaalu i faatauga a aiga ma ni tafaoga.
O le fautuaga mai le AMP ia sa’ili ni fautuaga talafeagai i tulaga tau tupe ma faatalanoa foi ma faletupe i ni faamāmā avega mo lenei vaitau a o feagai ai ma le taugatā o le tau o le soifuaga.
Puna o Faamatalaga: https://www.9news.com.au/national/financial-stress-highest-in-a-decade-for-working-australians/be9f5c9e-aa7c-4f39-9a64-79be61f2f391
