E to’a 4,991 fanau a’oga Tausaga 12 ua mae’a resitala mo su’ega faapitoa o le SSLC (Samoa School Leaving Certificate) ae to’a 3,919 fanau a’oga o le Tausaga 10 ua mae’a resitala mo su’ega o le SNJSC.(Samoa National Junior Secondary Certificate)
Mai ia fuainumera e na o le 2,816 o le Tausaga 12 ua mae’a totogi pili mo su’ega ae na o le to’a 2,673 fanau a’oga o le Tausaga 10 ua mae’a totogi pili a’oga.
Lona uiga e to’a 2,175 fanau o le Tausaga 12 e le’i totogiina pili o su’ega ae to’a 1,246 fanau o le Tausaga 10 e le’i totogia pili o su’ega.
O le Aso Lulu o le vaiaso nei na faamuta ai le totogiina o pili a’oga mo su’ega faapitoa.
O le taimi nei ua manatu le Matagaluega o A’oga ma Aganuu o le a su’e uma pea fanau a’oga e agavaa i su’ega faapitoa tusa lava pe le’i totogiina pili o su’ega, ae o le a lē mafai ona tuuina atu faai’uga o a latou su’ega seia vaganā ua mae’a totogi pili.
