E toatasi le tagata ua lipotia ua maliu i le faalavelave i Pakuranga Heights i le taeao analeila, fai mai lipoti na maliu i totonu o se taavale i lea faaitu ma sa agai atu iai leoleo faaaupegaina.
O se tasi o tagata e aumau ai i lea pitonuu na ia faamatala i le One News na o latou faalogoina le pāpā ane o fana ma le fe’ei o tagata a o lei vaaia le taunuu ane o le fesoasoani faavavave.
O se faamatalaga mai leoleo ua faailoa ai na o latou maua ni telefoni mai le faaitu lea i Pakuranga ma le Marvon Downs area poo le toe kuata i le 7 i le taeao, faamatala atu ai se faalavelave tugā o loo tulai mai ai.
O le lipoti a leoleo i le te’a o le ‘afa o le 8 i le taeao analeila na faailoa ai e toatasi ua maliu i totonu o se taavale i le fetaula’iga ala i Marvon Downs ma Pixie Place ma o loo faatalanoa e leoleo nisi o molimau ma o le a vaaia ai pea malu o le malo i lea nofoaga mo suesuega i le asō.
O loo faatalia se isi lipoti mai leoleo.
Puna o Faamatalaga: https://www.1news.co.nz/2024/08/19/police-confirm-one-dead-at-critical-incident-in-pakuranga-heights/
