E to’atasi se alii ua maliu i le faalavelave ua lipotia mai i Northcote i North Shore i le po anapo. Fai mai le One News na faavave atu leoleo i se fale i Ocean View Road i le te’a o le 10 anapo ma maua atu ai se alii ua maliu.
Fai mai leoleo i le taimi nei e lē o mafai ona tuuina mai se faamatalaga mautū o le mafuaaga o lenei faalavelae.
E to’atasi le isi tagata na pu’eina e leoleo e pei ona ta’ua i le lipoti ma faia iai moliaga i se isi mataupu e ese mai. O loo faaauau i le asō su’esu’ega a leoleo ae o loo ta’ua foi i le lipoti na lipoti ane i leoleo o se vevesi o loo tula’i mai i lea nofoaga.
