O se faalavelave tau taavale tugā ua tula’i mai ua maliu ai se talavou ma taofia ai i le falema’i le isi to’atolu ina ua lavea le taavale na malaga ai sa tuli e leoleo i le itu i Matu o Niu Sa Uelese.
Na valaau ane leoleo i Burroway Rd i Narromine i le po anapo ona o lipoti o se pamu penisini ua gaoia.
E to’afā talavou na feta’ua’ina na sosola ese mai i lea nofoaga i se taavale ma na maua atu e leoleo i le tusa ma le 15 km i le itu i Sasae o Nyngan i le Mitchell Highway i le vaveao poo le te’a o le 12, fai ai tuliga ma leoleo ma lavea ai le taavale a talavou ia i le faaitu o Bourke poo le ‘afa o le 1 i le vaveao.
Ua maliu ai le talavou tama e 17 tausaga i le nofoaga na tupu ai le faalavelave ae o le isi to’atolu na ave uma i le falema’i.
E tigaina le isi e 13 tausaga ae ua faasolo manuia le isi e 16 tausaga ma le tamaititi e 14 tausaga na ave i le falema’i o tamaiti i Sini e fai si tugā o manu’aga.
O loo faagasolo le su’esu’ega i le taimi nei.
Puna o Faamatalaga: https://www.9news.com.au/national/nsw-bourke-crash-critical-incident-teenager-dies-three-others-hospitalised/fe9d860d-b54e-4ff4-9b5f-88162dfd36c2
