O loo i le falema’i i le taimi nei fuimu e to’a 6 na manunu’a ina ua taavalevale le taavale fuimu na malaga ane ai i le ogatotonu o le setete o Niu Sa Uelese.
Fai mai lipoti o le taavale a le fuimu sa tali atu i se valaau mo se fesoasoani i se fale i Kundle Kundle i le itu i Matu i Sasae o Taree ae see ese ai le loli mai le alatele ma taavalevale.
O le to’aono o fuimu sa iai i totonu, o alii ma tamaitai e amata mai le 19 tausaga aga’i i le 45 tausaga le matutua, fai mai o le tagata aupito tigaina o se alii o loo aofia ai ma manu’aga i lona ulu ma sa togafitia e paramedics ma ave ai e le vaalele i le John Hunter Hospital i Newcastle.
O le isi to’alima e feololo manu’aga ma ua faasolo manuia.
O loo faia nei le su’esu’ega i le mafuaaga o le faalavelave.
Puna o Faamatalaga: https://www.9news.com.au/national/rfs-truck-rollover-six-firefighters-in-hospital/1436f775-fef9-410f-b6ed-4cff29686dff
