E toalua alii ua molia ile fasioti tagata ona o le maliu o se alii e 21 tausaga ise paka I Aukilani I saute.
O Nigel Fuatimu na maliu ile maea ai o se faalavelave na tulai mai I Jellicoe Park I Manurewa I le aso 3 o le masina lenei o Oketopa. Faailoa mai eleoleo e ala ise pepa o faamatalaga e faapea o alii e toalua 23 ma le 24 tausaga sa muai molia ile faaoolima ao lea la ua toe suia moliaga I le fasioti tagata.
Faaalia e le Inspector Warrick Adkin mai le ofisa o leoleo I Manukau e toalua isi alii tai 26 tausaga le matutua o loo feagai nei ma moliaga o le gaoi e iai le sootaga I le faalavelave ua maliu ai Fuatimu. O le aso na tutulai ai I laua ia I le faamasinoga faaitumalo i manukau. E lei manuia taumafaiga e laveai le soifua o le ua maliu ina ua maua atu ile paka e pei ona taua. E le o taua mai seisi aso e toe valaauina ai le mataupu I le faamasinoga.
