E iai se tamaitai ua lipotia na pa’ū ane mai le balcony o se unit i Waterloo i Sini e feta’ua’ina na faaoolima iai se tasi ae iai foi ma se isi tamaitai o loo i le falemai foi o loo faamanu’alia ma o loo suesue e leoleo pe o le faalavelave lava lea e tasi na aafia ai i la’ua uma ia e toalua.
Fai mai le 7News o le isi faalavelave na lipotia na tupu i se unit i Waterloo i le 6 i le afiafi ananafi.
O le faamatalaga na maua e leoleo e faapea o lea tamaitai na pa’ū mai le fale lea i le ground level ae na mafai ona tula’i ma savali ese mai le nofoaga na pa’ū agai iai.
Fai mai na maua e nisi i se nofoaga lata ane ma e 31 tausaga le matua, na iai manu’aga i lona ulu ma togafitia i le falema’i o le St Vincent.
E lei leva ae momoli ane foi ma se isi tamaitai 35 tausaga i le falema’i lava lea ma le faamatalaga i le aufaigaluega na pa’ū ifo foi mai se balcony mai se fale foi i Waterloo.
O loo faia nei le suesuega a leoleo pe iai se sootaga o nei faalavelave ma o loo manaomia le fesoasoani a nisi e silafia ni faamatalaga.
Puna o Faamatalaga: https://7news.com.au/news/woman-falls-from-balcony-in-alleged-assault-at-waterloo-unit-complex-in-sydney-c-15748906
