E feololo manu’aga o alii talavou e toalua na lavevea i se taavale i le aso ananafi a o savavali ane i se magaala i Northbridge i Perth poo le ta o le tasi i le aoauli.

Fai mai le 9News o tama talavou e toalua e tai 16 tausaga le matutua na savalia le auala ae faafuasei ona soso’a atu e le taavale lanu siliva o le Volkswagon jetta, fetoai ai le isi tamaititi ma le pou a o le isi na unai agai i le itu o se fale ma na semanu e solia e le taavale.

Na agai ane le fesoasoani faavavave ma faia togafitiga ma ave atu ai i laua uma i le falemai le Royal Perth Hospital avatu faatasi ai ma le avetaavale.

E lē mailoa pe sa iai se faaletonu tau le soifua maloloina o le avetaavale ua mafua ai lea tulaga ma o loo tālia nei le iuga o suesuega.