E to’alua ua faamaonia le maliliu ina ua tifa ese se taavale o le SUV mai le alatele ma tofu i se ālia e lata i le tuaoi o NSW ma Kuiniselani i le faai’uga o le vaiaso.
Na valaau ane iai le fesoasoani faavavave i le itu i Saute o le taulaga o Mungindi i le vaveao o le aso ananafi.
Fai mai na maua e nisi o uo a i laua sa i totonu o le taavale, le taavale lea ina ua toe foi ane ina ua lē iloa mai le taavale lea, taumafai ai e fesoasoani.
Na lavea’iina mai ai se tamaitai e 23 tausaga mai le taavale ma ave atu i le falema’i i se tulaga tigaina.
Na maua ai i totonu o le taavale tino maliliu o se alii ma se tamaitai pe ā ma le ta’i 20 tausaga le matutua ina ua ave ane i luga le taavale i le aoauli ananafi.
O loo faaauau le su’esu’ega ma saunia se lipoti e tuu atu i le coroner.
Puna o Faamatalaga: https://www.9news.com.au/national/mungindi-two-people-feared-dead-after-crash-on-nswqueensland-border/25d20f1c-435c-4225-87c4-50093e3a26ca
