E lua ni mataupu tau faamasinoga na valaau i le amataga o le vaiaso nei i le faamasinoga sili a le atunuu o loo molia ai ni alii laiti ta’i 14 tausaga le matutua, e pei ona tuua’ia le tasi i moliaga e 4 e aofia ai le solitulafono o le faiaiga faamalosi i se teineitiiti e i luga o le 12 tausaga ma lalo ifo o le 16 tausaga lona matua.

O le isi o alii laiti 14 tausaga foi le matua o loo molia i ni gaioiga matagā na ia faia i se teineitiiti e i lalo o le 12 tausaga le matua.

O le mesina o Mati o le tausaga nei na lē toe alu ai i le a’oga lē ua molia e pei ona ia faailoa i le faamasinoga ma na faaleo ai se faanoanoaga o le Faamasino.

Ua fautuaina ai lea alii laitiiti e tatau ona oo atu i le tausaga fou ua toe alu i le a’oga.

O loo tolopō le tuuina atu o ni tali a i laua ua molia i nei mataupu tau faamasinoga e lua se’i sa’ili muamua ni loia e tula’i e tauave moliaga o ia alii ta’i 14 tausaga le matutua.

Ua matuā tapu e le faamasinoga ona faailoa soo se faamatalaga e iloa ai i la’ua ua molia faapea tamaitai laiti na aafia.