E to’alima tagata ua fuafua e tutula’i i luma o le faamasinoga ina ua feta’ua’ina le faia o ni talosaga taufaasese i le ACC.
Na lipotia e le One News na molia i latou ia i le mae’a o se suesuega a leoleo ma le ACC sa faia.
O Novema 2023 na logoina ai leoleo i se faiga ua galulue faatasi ai ni tagata ina ia faatino se solitulafono.
Na ta’ua e le Satini sinia o Scott Neilson i lea lipoti o tagata ia e to’alima e talitonuina o i latou ia na ogatotonu i lenei solitulafono ma ua molia nei.
E to’atolu tamaitai, 31, 24 ma le 36 tausaga le matutua, faatasi ai ma se alii e 41 tausaga o le a tutula’i uma i le faamasinoga faaitumalo i Hamilton.
O le isi tamaitai e 42 tausaga ua fuafua e tula’i i le faamasinoga i Manukau i le asō.
Puna o Faamatalaga: https://www.1news.co.nz/2024/08/29/five-people-charged-after-allegedly-making-fraudulent-acc-claims/
