E toalima lelei le aufaigaluega a se tasi o faleia I le itu I saute I sisifo o Sini ua molia nei I le faaseseina ole faatinoina o auaunaga e pei ona faailoa ise lipoti I le tv1 ile aso.

O le ia o le samani taugata ua lipotia mai ua le sa’o le faamauina e I latou ia ole aofai o ia ma ua lafoina faapea o otaota ae mulimuli ane toe aveese mai ma le lapisi ma o latou toe faatau atu I nisi ma maua ai a latou tupe.

Fai mai leoleo I le lipoti lea na tuuina e I latou ia le tusa ma le 600 kg ole samani I aso taitasi I le lapisi tulou ma o latou toe faatau faalilolilo ai.

Pe a male 250tane o le samani o loo fetauaina sa feaveai I le va lea o le faleie I Ingleburn mai ia Iuni e oo mai ia Tesema 2020. E toalua tamaitai o loo molia mai moliaga I le aso 20 o Tesema sosoo atu ai ma alii e toatolu na molia I le aso 23 o le masina lava lea.

O alii e toalua na toe tatala I tua e tutulai I le faamasinoga I Campbelltown ile aso ae o leisi toatolu e tutulai I le faamasingoa I le masina fou. O le taimi nei ua faamalolo uma le toalima lea e le kamupani