O se tagata faigaluega i se bottle shop i Melepone ua lipotia ua aafia lona ulu ina ua osofai e ni talavou i le itu i Saute i Sasae o Melepone ma o latou gaoia mai ai le faitau afe o tupe ma ni ava malosi.
O le kulupu o talavou e toaono e pei ona lipotia e le 9News, na o latou osofaia le faleoloa lea i le Aso Lulu talu ai ae ua lipotia i le asō le ogaoga o lea osofaiga i si tagata faigaluega o le faleoloa lea na taofia i le falemai mo aso e fā ona o le faaletonu i lona ulu ma e 39 tausaga le matua.
Ua faailoa e leoleo na o latou pueina le toaono uma lea i le aso na sosoo ai, e toatolu tamaitai mai le 15-19 tausaga le matutua ma alii e toatolu e 16-17 tausaga ma ua molia uma i latou ia.
O loo finau pea pulega o faleoloa faapea i le malo ina ia faia se gaioiga e taofia ai nei ituaiga osofaiga auā e iu lava ina ma’umau ai se soifua o se tasi.
