O loo iai nei ise tulaga tigaina se fai faiva na afaina i le aso ananafi ina ua tafea i le sami i le itu i sasae o Sini.

Tea laititi o le afa o le 11 i le taeao ananafi ua faamaonia mai ai e le vaega o  fesoasoani faavavave na valaau ane ai i latou i Marine Parade i Maroubra ona o lipoti o se tagata o loo i le sami. 

Fai mai leoleo o le faamatalaga na o latou maua e faapea o lea tagata  na tafea i le sami ao fagota.Pe a ma le 50 tausaga le matua ma na maua atu ua matapogia ma na aveeese mai ma le nofoaga na maua ai ma ave atu loa i le falemai o St George ma o loo iai pea i se tulaga tigaina. 

Fai mai leoleo o le fautuaga ia mataala tagata uma.

O loo taumafai e faamaonia poo ai tonu lea tagata Sa laeiina se ofuvae lanu uliuli ma le mitiafu paepae ma talosagaina le fesoasoani a le atunuu lautele pe a silafia sea tagata