Ua toe faatoese le kamupani pasi a le InterCity i le tamā matua 83 tausaga lea na tia’i e le pasi i Kaikōura.
O le malaga lenei a le pasi e sau mai Kalaiesetete i Nelson, ma o lea na tu i Kaikōura e mālōlō.
O le uma ai o le mālōlōga na toe faaee ai loa le pasese, ma i molimau a le pasese sa i luga o le pasi i lea taimi e tusa ma tala a le 1News o le lē fiafia o le avepasi i le tuai o le savali a le tamā matua na alu ai e lei faatali.
O le alo tamaitai o lea tamā matua na toe tuua i luga o le Facebook ma o lea ua tali atu iai le InterCity.
Ua lipotia o lea na toe ofo mai e le kamupani pasi le faafoi mai o le pasese o le tamā.
E tia’i e le pasi le tamā matua ua ‘afa le mamao o lana faigamalaga, ma o lea foi na sulu i le taimi na toe faanatinati ane ai e tuliloa le pasi.
Ae mo tagata na agalelei ane i le tamā ma toe momoli i lona aiga i Blenheim, ua faafetaia e alo o le tamā matua lo latou agalelei ae mo le avepasi o le fe’au mo ia, e te lē faia faapea tagata.
Puna o Faamatalaga: ‘It’s just wrong’: InterCity left 83-year-old behind in Kaikōura (1news.co.nz)
83yo ‘dumped’ by Intercity bus driver after falling during pit stop | RNZ News
