Na savavali ese nisi o le aufaigaluega a le supamaketi a le Woolworths mai le tele o ona lālā i totonu o Niu Sila ananafi a o finau ai pea e totogi i latou i le living wage faapea le saogalemu o le aufaigaluega.
E lua itula lea na savavali ese ai nisi o le aufaigaluega mai le lata i le 200 faleoloa a le Woolworths, ma o se faai’uga ua oo iai i le mae’a ai o faatalanoaga na faia i le lua vaiaso talu ai.
Ina ua faatusatusa ai e le iuni totogi o loo totogi ai e le Costco faapea le Kmart ana tagata galulue ma fai mai ai, o lea e sili atu na i lo le Woolworths.
O le finau a i latou na tuufaatasia nei solo tetee, afai o loo mafai ona faaalu e le supamaketi le $400 miliona e toe sui ai le igoa mo le silia ma le 70 faleoloa, o lona uiga e mafai foi ona gafatia le totogiina mai o le living wage mo tagata faigaluega faapea ai ma le faaopoopo o nisi tagata galulue.
O lea na tatala pea lava faitoto’a o faleoloa i le taimi na faia ai tetee, ma mai le pulega o loo feutaga’i nei ma le iuni a le FIRST Union e tusa ma lenei mataupu.
Puna o Faamatalaga: Woolworths employees strike for living wage, safe staffing (1news.co.nz)
