E tele itu e lē o lelei ai le polokalame o loo gaosia ai mea’ai mo fanau a’oga, ma o se tasi o itu tāua o le tele o le mea’ai ma’umau.
O le mae’a asia ai e i latou o loo su’esu’eina le mālōlōina lelei o le gasesega o mea’ai a fanau, na toe faailoa ai e le leitio faavaomalo a Niu Sila le imeli na tuuina atu i le matāgaluega o a’oga i le uma ai o asiasiga na asia ai nisi o a’oga i Aukilani.
I lea imeli o loo manino ai e lē o lelei le faiga o loo faia ai nei le polokalame, ma e lē gata e lē lelei le gasesega, tusa o le 50% lea e lē o ‘aia, ae lē o mautinoa foi le lelei atoatoa o mea’ai Halal, toe tele na’uā le taimi faaalu o faia’oga ma pulega o a’oga e tufatufa ai mea’ai.
E leai se tala mai le matāgaluega e tusa ma le tusi poo le polokalame foi lenei talu lava ona amata i le tausaga nei le suiga fou ua toe suia ai le gasesega o mea’ai, o lea lava e le’i misi se faaseā.
Fai mai ai foi e 88 faitioga na faaoo atu i le polokalame lava lenei i le taimi a o faaaogā pea le faiga tuai sa iai i le tolu tausaga talu ai, peitai o le faiga fou ua iai nei o le aofa’i lea o faitioga i totonu o le vaiaso muamua.
Puna o Faamatalaga: Nutritionist finds list of issues after visiting Auckland schools delivering lunch programme | RNZ News
