Ua teena e le Faigamalo a le Setete o Kuiniselani ni faamatalaga e faapea o loo latou vaavaai i le faalēaogāina o le taligamalo i le Olimipeka 2032 i Brisbane i le mae’a o le toe faamaamulu ese mai le fausia o le Gabba Stadium.
O le 9News na o latou faasalalau i le po anapo ua maua ane e minisita i Kuiniselani se fautuaga e faatatau i le tau o le toe faalēaogāina o le Olimipeka e pei ona fuafua e talimalo ai, ma e pei o i lea na toe faia ai loa le faaiuga e faaauau pea lana taligamalo.
Ta’ua i lipoti na faailoa atu i le malo e tatau ona toe totogi se vaegatupe e i le va o le 500 miliona ma le 1 le piliona pe afai e faamaamulu ese mai le taliga o taaloga o le Olimipeka.
Lea la ua agiga lipoti e lei iai se fuafuaga faapea e faalēaogā lana taligamalo ae ua solomuli mai le Premier o le Setete, Steven Miles mai le fuafuaga a le malo e toe faaleleia le malae o le Gabba, ona na ia faamanino e lē mafai ona ia toe faamatuu atu se isi 3.4 piliona o tupe a tagata Kuiniselani mo le fausia o se isi malae fou.
A o fālō ai lea mataupu i Kuinselani ae ua faailoa le finagalo o le teutupe a le Setete o Niu Sa Uelese, Daniel Mookey e mafai telē ona o latou talimalo ma e maualuga le tulaga na iai ana taligamalo talu ai mo lea lava faamoemoe o le Olimipeka pe afai e lē ausia e Kuiniselani.
