O Fiti le uluai atumotu o le Pasefika ua taunuu ana tui o le Koviti
Tusa ma le 12,000 le uluai uta o tui o le AstraZeneca o lea ua taunuu I Fiti, ma e oo atu I le $30 miliona tala Amerika lona tau
O nei tui o loo ave le faamuamua I le tusa ma le 6000 tagata galulue I tuaoi, ma ua saunoa ai le taitai o lea malo, Frank Bainimarama, o loo lelei ma malu le teuina o nei tui atoa ai ma tapenaga mo faamaumauga ina ia mautinoa ai igoa o I latou ua maea faia o latou tui O nei tui na faatupeina e malo aufaatasi I lalo o le vaega mo fanau, ma o se tasi o poloketi o loo sau I lalo o tuiga a le faalapotopotoga o le soifua maloloina I le lalolagi, le WHO
