Ua taunuu mai i Aukilani le vaalele fou a le Ea Niu Sila mo ana faigamalaga i totonu o le atunuu.

O le jet aupito i tele lea o le A321neo ma e ofi ai pasese e 217 lona uiga e 46 pasese ua sili atu ai nai lo le vaa o loo iai i le taimi nei mo malaga faalotoifale.

Fai mai le sui o le kamupani vaalele Leanne Geragty o le aumaia o lea vaa fou o le a amata ai ana faigamalaga ma e ao ona amata ulufale tagata i le vaalele e lima minute e vave ai nai lo le faiga masani ina ia faamautinoa le sologa lelei o mea uma.

O le ituaiga o vaalele faapea na muai faaoo atu i Niu Sila i le 2018 ma o loo faaaoga foi i nisi faigamalaga mai nofoaga e pei o Ausetalia agai atu i atumotu o le Pasefika.

Lipotia o le vaalele e ola ai ma le wifi ma screens mo maimoaga e ui ua ta’ua o le vaa o le a faaaoga patino lava mo malaga i totonu o Niu Sila ma o le a le faaaogaina ai tulaga ia o le wifi ma seatback screens.