Faamata e mafai e le All Blacks ona manumaloina le la taaloga i le faai’uga o le vaiaso ma le Springboks?
O le fesili tele lea i manatu o le to’atele a o sauni ai ‘au e lua mo le isi a la fetauiga.
Ae i se faatalanoaga a le faia’oga o le ‘au, Scott Robertson i le Newstalk i le vaiaso nei ua ia ta’ua ai o se isi foi taaloga faigata o le a alo atu iai ma e ui e ese le malae o le a taaalo ai, ae o se taaloga faigata tele aemaise ua silafia e le to’atele o le Springboks, a oo lava i le taimi e taaalo ai e matua’i taaalo lava.
E ui i lea o loo mau pea foi le tapua’iga a le atunuu nei i lana ‘au ma le talitonuga o le to’atele o le a i’u manuia le finau a le All Blacks i le vaiaso nei.
O Cape Town e fai ai le taaloga i le vaveao o le Aso Sa o muamua taimi Niu Sila.
Puna o Faamatalaga: https://www.newstalkzb.co.nz/on-air/mike-hosking-breakfast/audio/scott-robertson-all-blacks-coach-ahead-of-the-second-match-against-the-springboks-this-weekend/
