O loo faatali nei Niu Sila i le taimi e ioe mai ai Niu Kaletonia e alu atu le vaalele e aveese mai ai tagata Kiwi o loo i Niu Kaletonia.
E oo mai i le taimi e tuufaatasia ai tala fou e lē o iloga lava ona iai se nofo filemu i Niu Kaletonia lea ua toaono tagata ua maliliu ae tusa ma le 60 sui o le ami ua manunu’a.
A o agai ai sui o le militeli a Farani mo leoleoga, o lea lava e lei toe tatalaina feoa’iga a vaalele faavaomalo ma ua faamaonia mai ai e le minisita o le va i fafo a Niu Sila, Winston Peters ua uma ona tapena le vaa a le Defence Force, ma o le taimi lava e ioe mai ai Niu Kaletonia, o le taimi foi lea o le a aumai ai loa tagata Kiwi o loo i Niu Kaletonia.
I faamaumauga a le matagaluega o le va i fafo, e tusa ma le 250 tagata Niu Sila o loo iai i le teritori, ma ua faatalosagaina foi tagata Kiwi e lē o lesitala i luga o le SafeTravel ia vave ona fai mo le faafaigofie ona tapena malaga laveai lea ua tapena nei.
O loo fua uma lava le vave ona aveese mai o tagata Niu Sila faapea le ioe a le faigamalo a Niu Kaletonia i le saogalemu o le malaevaalele ona o vevesi o loo faaauau pea nei.
Puna o Faamatalaga: New Caledonia unrest: NZDF set to bring home stranded Kiwis – Peters (1news.co.nz)
