E faanoanoa foi le tulaga ua iai le mataupu i nai tagata matutua o loo aumau i nofoaga sa tausia ai e le Wesley Mission lea na o latou folafola i se taimi e lei mamao atu le a tapunia o latou nofoaga i Sini ona o le lē ausia o nisi o faamoemoega ma tulafono fou ua faatulaga atu e le malo e faatatau i le faagaioiga o ia nofoaga.
O le vaiaso nei ua faailoa ai molimau a nisi o nai tagata matutua o loo aumau ai i nofoaga ia ma ua faailoa lo latou lē fiafia ma le popole foi.
O si ulugalii o Bev ma Stuart e nonofo faatasi ai i se tasi o nofoaga lea a le Wesley Mission ma e lata i le 200 i latou ae ua o la faaalia o le popolega ina ne’i eseese nofoaga e ave iai i laua pe a tapunia le vaega o loo iai nei, aemaise o loo tumutumu foi i resthomes o loo tau saili iai ni avanoa.
E ono vaiaso o loo faamatuu ane e sailia ai nisi nofoaga fou o i latou uma ia a o lei tapunia loa faitotoa o le Wesley Mission.
