O le tofa ia Auga Farrel Craig o se tasi o faipisinisi iloga o le atunuu i le tele o tausaga, ma o ia ma lona aiga na faatuina se tasi o pisinisi mo aano o manufasi i le nofoaga o pisinisi i Vaitele i tausaga ua tuna.

O lea ua faatuina e lea tamalii ma ona alo se falegaosi oloa muamua i le atunuu, ua gaosi ai trays poo pusa e tuu ai fuamoa, ae gaosi ai foi isi ituaiga o trays e teu ai nisi o oloa e faaeteete gata.

Faaalia e Auga Farrel i le tatalaina o lea taumafaiga, o le faiga faavae a le Malo i le faatāua o le tulaga maua pea o taumafa ma oloa manaomia e tagata, o le manulauiti lea o le tapenaga atoa a ia ma lona aiga i fanau a ona alo, e faatu se isi taumafaiga tau pisinisi e lei faatuina i Samoa.

Le tofa Auga Farrel Craig o le kamupani o le LAYAR.

O le tatalaina o lea pisinisi fou na saunoa ai le Minisita o Faatoaga ma Faigafaiva, e avea ai ma sui o le Malo.

O le tasi foi lea o auaunaga tau pisinisi o le a maua ai ma galuega.