Ua taunuu le miti a le Malo e siitia i se tulaga maualuga ma lelei le atina’e o taaloga, i le faatuina o se matagaluega e avea ma ana matafaioi tausi le silasila i auala talafeagai uma e atina’e ai soo se taaloga.

O le amataga o lenei vaiaso ma lenei masina fou lona fitu o le tausaga ua tatala ai lea matagaluega fou ma aloaia ai lona faagaioia e pei o isi matagaluega a le Malo.

Ua lē gata ina tapuvae tasi uma nei iai galuega o le atina’e o soo se taaloga i le atunuu ae ua ave foi iai ma le vaaia o malae mo alaga’oa o le fiafia o tagata e pei o le Friendship Park o loo i tua o le maota o le Malo i le eleele fou i Apia ma le Malaefatu Park i Sogi.

Le saunoaga a le ta’ita’i o le Malo le afioga i le tamaitai Palemia, Afioga Fiame Dr Naomi Mataafa i le tatalaina o le Matagaluega fou o Taaloga ma Alaga’oa mo le Fiafia o Tagata, le Ministry of Sports and Recreation.

O le sui faipule o Safata 2 le afioga Laumatiaamanu Ringo Purcell o le Minisita o lea matagaluega fou a le Malo.