Ua tatala nei le supamaketi ua faaigoa o le Tatou i Magele o loo fesoasoani iai le Foodstuffs North Island ma le Māngere Budgeting Services Trust.
Fai mai le NZ Herald o le igoa o le faleoloa, Tatou e pei ona silafia o le faasamoa mo le upu everyone i le faaperetania.
O le ituaiga supamaketi lea e ta’ua o le Social Supermarket ma o faleoloa laiti ua faia faaagaga mo le saunia atu o oloa i ni tau taugofie mo aiga o loo feagai ma lu’itau ona o le tau o le soifuaga i lenei vaitau.
O tala ane tonu o le Māngere Budgeting Services Trust o loo iai le Tatou ma ua faailoa e le Ofisa Sili o le Budgeting Services, ua fiafia ua tatala le faleoloa o le a maua ai se fesoasoani i tagata e lē o gafatia oloa mo le saunia o taumafa mo nai o latou aiga.
Puna o Faamatalaga: https://www.nzherald.co.nz/kahu/south-aucklands-first-social-supermarket-opens-in-mangere/32S4PJQKGNCVPCA6TV6Y5NXNMM
