Ua iai nei le malae taalo o le afioaga o Vaiala o le a faia ai taaloga e pei o lakapi ma e lē mamao ma le malae foi o le afioaga o Moataa.
O lea galuega na umusa i le faaiuga o le vaiaso na tea nei, e lē gata o le malae ae ua iai le fale mo tagata e maimoaina ma tapuaia taaloga.
O le auala e agai i le faletalimalo o le Taumeasina e tau tonu i le malae taalo o le Vaiala UIalei ua faaigoa o le Taula Stadium.
Na tomua le tatalaina o le galuega i le sauniga lotu na taitaia e le faafeagaiga o le Ekalesia Faapotopotoga Kerisiano Samoa i Vaiala, ae taualuga i le saunoaga a le afioga i le Sui Palemia.
O se tasi lenei o malae ua faaopoopo foi i malaetaalo o le a faapena ona faatino ai taaloga i le li’o o le taulaga i Apia.
