O le malae kilikiti a le Ekalesia Metotisi i lona laumua i Foagaa i Faleula, ua avea ma nofoaga e faagasolo ai le liki kilikita faasamoa o le Teuila o lenei tausaga, e pei ona tausinio ai ‘au a alii ma tamaitai, faapea a le aumasii mai le setete o Utah i Amerika.
O le Minisita o Taaloga le afioga Laumatiamanu Ringo Purcell na ia tatalaina le taamilosaga, ma le fautuaga a le Minisita i le komiti ia usita’ia tulafono o le taaloga ma ia faia faai’uga sa’o e tusa o ta’iala o le taaloga kilikiti a le atunuu.
Le Minisita o Taaloga, Afioga Laumatiamanu Ringo Purcell
Ua tele tausaga talu ona taofia lea taamilosaga ona ua ave le faamuamua i le atina’e o le kilikiti palagi ona o tupe e maua ai.
Peitai na faaalia e le faatamā o le asosi kilikiti Samoa, e lē o le agaga lea o le taaloga lenei a le atunuu auā sa avea ma sootaga e mafuta faatasi ai tagata o nuu ma itumalo.
Le faatamā o le asosi kiliki Samoa, le Minisita o le Kapeneta, Susuga Laauli Leuatea Polataivao Fosi Schmidt.
