Ao le’I oo mai le aso e faaola ai le traffic light system, o le vaiaso nei o le a faataitai ai vaccine certificates

I le faasilasilaga na faailoa mai ananafi o lea o le a tatala i le Aso Tofi nei, 25 o Novema fale fai ulu (hairdressers) ma fale oti ulu (barbers) i Aukilani

O nei pisinisi o le a tatala i lalo o aiaiga i tagata ua uma tui puipui e lua, ma e aofia ai le tatau ona faaaoga ufi fofoga ma e mafai ona aveese i le taimi e faafuga ai le ao

Saunoa le palemia, o se avanoa lelei lea e faataitai ai vaccine certificates ae e le i o uma Niu Sila atoa i le traffic light system

Faailoa foi e le faatonusili o le soifua maloloina, Dr Ashley Bloomfield, mai faataitaiga o le verifier app mo pisinisi o loo sologa manuia

O le tatala o fale fai ulu ma fale oti ulu e le o aofia ai le loaloa o le hospitality sector, ma e le o iai se fuafuaga e tatala le loaloa o ia pisinisi i totonu o Aukilani ae e le i oo mai le traffic light system