O le asō ua tatala ai faitotoa o le falemai fou i North Shore. 

E 150 moega o loo sau ma le falemai fou, ma o le taunuuga manuia lea o lenei poloketi ua 10 tausaga o taumafai mai. 

E $317 miliona lona tau, ma o lea na tatala aloaia ai e le minisita o le soifua maloloina, Shane Reti faatasi ai ma sui o le matagaluega ananafi. 

O le falemai fou, Totara Haumaru e auaua’i lona faaaogāina e pei ona amata galulue ai le tusa ma le 140 tagata galulue ma o le toatele o i latou nei e omai mai le falemai tele i North Shore. 

O le a mafai ona faaaogā mo taotoga o gasegase le Totara Haumaru mai soo se vaega o Niu Sila, ma e 13 gasegase e faia i le aso o latou taotoga. 

A o faaopoopo ai lea falemai fou, o loo iai le popolega i le to’agaogao o le aufaigaluega e pei ona o loo tau saili ai nei nisi i lenei auaunaga, e le gata i Niu Sila ae o le tele o atunuu. 

Ae mai le minisita ia Reti, o le faamuamua lea o loo iai nei I le matagaluega o le sailia o tagata galulue. 

Puna o Faamatalaga: http://150-bed hospital unit opening its doors at North Shore Hospital (1news.co.nz)