Fai mai e tele State Highways i le South Island na tapunia mai le taeao analeila faatasi ai ma nisi o taavale ua vaaia ua mau i luga o ia auala ona o le mamafa o le aisa (snow) ua toulu i ia vaega o le atunuu.
Na lipotia mai e le NZ Transport Agency o le State Highway 73 i le va o Springfield ma Castle Hill i Porters Pass atoa ai ma le va o Otira ma Castle Hill i Arthurs Pass ma le State Highway 93 i le va o Mataura ma Clinton o loo tapunia uma.
Pe ā ma le 50 tagata na agai ese mai ae tuu ai a latou taavale i lea nofoaga i le po anapo ma aumau ai i fale i Athurs Pass Village ina ua tapunia le auala i itu uma e lua.
O loo tumau pea la ona fautuaina le faaitu lea o Central Otago ma isi faaitu e lalata ane i le mamafa o le aisa e pa’ū foi i le asō.
O le fautuaga foi mai le vaaitau ua fautuaina ai avetaavale o le snow e ono aafia tele ai auala ma e ao i avetaavale ona siaki muamua tulaga o alatetele a o lei faimalaga.
Puna o Faamatalaga: https://www.1news.co.nz/2024/08/19/snow-closes-state-highways-in-south-cars-stranded/
