O loo su’e e leoleo se alii i Sini i le faalavelave ua maliu ai se tagata i le po anapo.
Na faailoa i lipoti a le 9News o le vaega o fesoasoani faavavave na valaau ane i se tuatusi i Marrickville Rd poo le te’a o le ‘afa o le 7 i le afiafi ona o lipoti o se alii pe ā ma le 30 tausaga ua osofa’ia e se tasi.
Na taunuu atu paramedics ma faia iai togafitiga peitai na maliu ai lava i fafo ane o se tasi o fale’aiga i lea faaitu.
Fai mai le lipoti na loka ai e leoleo magāala e lalata ane mo le puipuiga o le vaega tonu sa iai lē ua maliu ae o loo lipotia foi e to’atele tagata e talitonuina o sui o le aiga o lē ua maliu sa taumafai e aga’i ane i le nofoaga sa iai lē ua maliu peitai na taofia e leoleo.
Na faailoa e nisi molimau i le 9News o nisi sa iai i le nofoaga lea i lea taimi sa taumafai e faasao mai le soifua o lē ua aafia, e feta’ua’ina e foliga o se naifi sa faaaogā i le osofa’iga ma o loo su’e nei le tagata na faatinoina lea faalavelave.
Fai mai leoleo e lē o manino i le taimi nei poo le ā tonu le mafuaaga o le faalavelave.
Puna o Faamatalaga: https://www.9news.com.au/national/marrickville-stabbing-man-dead-police-investigate/e18d2f95-df26-4a68-af3a-619217657466
