Tapunia mo se taimi lē tumau le aoga a Gloriavale Christian School ae faagasolo su’esu’ega.
Ua sau i lipoti a le TV1 o lea ua faatonuina i le vaiaso nei mātua e a’ooga mai fanau i fale, ma o lea ua faia su’esu’ega a le matagaluega o aoga e faatatau i sauaga i totonu o le aoga.
Ua sau ai foi e lē gata ua faamālōlō le pule a’oga ae faapea faia’oga, ma o lea ua toe to’alua faia’oga ma o i laua nei o loo gafa ma le oo atu i le 200 fanau aoga.
Ona o le leai o ni faia’oga ua faia ai le faai’uga e tapunia le aoga.
Ta’ua e Nancy Bell o le matagaluega o a’oga, o lea o loo galulue nei ma le a’oga e faataatia se fuafuaga e toe tatala ai le a’oga ma o loo iai tala o le Aso Gafua o le vaiaso fou.
