E silia ma le 600 a’oga ma pisinisi i nofoaga o loo faatūtū ane iai le afā o Alfred ua tapunia uma i le aso i le itu i Saute i Sasae o Kuiniselani ma le itu i Matu o Niu Sa Uelese.
O le afā o Alfred o loo iai pea i le Vaega 2 o le faatulagana o le malosi o afā ma ua faailoa mai ua fuafua o le aso a taeao faasolo atu i le faai’uga o le vaiaso o le a aafia ai ia pitonuu lapata’ia i timuga mamafa ma le lamatiaga o lōlōga faafuase’i.
O taaloga ma isi fuafuaga sa faatulaga e faia i le faaitu lea i le faai’uga o le vaiaso ua lē taunuu uma.
Ua lapata’ia le atunuu i ia faaitu ia tulimata’ia pea lipoti o le tala o le tau ma ia sauniuni i aafiaga o le afā lea e faapea e ese mai isi afā talu ai i le itu ua see aga’i iai.
Puna o Faamatalaga: https://www.9news.com.au/national/tropical-cyclone-alfred-2025-live-updates-weather-warnings-rain-wind-increasing-forecast-what-we-know/76bd88c4-678e-463a-9367-7073e95c5017
