O loo taofia I le taimi nei galuega faavaitaimi mo tagata Pasefika na fuafua e le faanofoesea pe a taunuu mai I Niu Sila
O le masina talu ai na faailoa mai ai e le tamaitai palemia, Jacinda Ardern ua ioe le kapeneta e omai tagata galulue faavaitaimi mai Toga, Vanuatu ma Samoa I lalo o se afuafu saoloto e taunuu mai agai sao I galuega
O le masina lenei o Setema na fuafua e amata taunuu mai ai faigamalaga a tagata Pasefika mo galuega faavaitaimi, ma I tala a le Stuff ua faailoa e le sooupu a le minisita o femalagaiga, Kris Faafoi o loo faaauau pea nei feutanaiga I le va o Toga, Samoa ma Vanuatu I le faataunuuina o le saolotoga e omai ai le tau faanofoesea
E lua faigamalaga e oo mai I le aso ua toe tuu atu I tua seia toe maua le saolotoga lea e le moomia ai le nofo vaavaaia o tagata faigaluega
