E ui i le naunau o le Peresetene filifilia o Amerika e faatumau le TikTok, ae o lea lava ua motusia.
Ua aloa’ia i le faai’uga o le vaiaso le momotu o le TikTok ma totonu o le malo tele o Amerika e tusa ma le i’uga faaletulafono ua iai.
O lea na faapea e oo mai i le faai’uga o le vaiaso ua iai se maliega mai Saina e faatau peitai e le’i mafai ona tupu.
O le TikTok o lea lava o loo finau malosi Donald Trump e faatumau pea i totonu o Amerika, peitai e ui i sona mana’oga ae le’i mafai ona taunuu ona o lea e muamua aloa’ia le sā, a o lea faato’ā faatauto i le taeao a taeao (taimi Niu Sila) e avea ma Peresetene lona 47 o Amerika.
I le taimi nei, o lea ua taoto se’ia tula’i mai Trump ona faia lea o le 90 aso e faatalanoa ai le maliega o loo tulituliloa pea ma Saina.
Mai le peresetene o le a faamavae mai, Joe Biden, o se mataupu o le a taatia atu ia Trump.
E tuufaatasia tala o le taeao, ua lē mafai nei e tagata Amerika ona faaaogā le TikTok.
Puna o Faamatalaga: TikTok suspends app within United States – NZ Herald
