Ua nofo taofia nei i le vaaiga a leoleo i le falepuipui i Tanumalala talu mai le aoauli o le Aso Lua o le vaiaso nei, le alii 58 tausaga le matua o Pokati Tu’u o Fasitoo uta, ma ua tuua’ia i le maliu fasia o se malu o le Malo i le Aso Gafua o le vaiaso nei.
O loo tuua’ia foi Pokati i le maliu o se isi tagata i le po o le Aso Sa na te’a nei, e pei ona mafua ai le sailiga a leoleo i le amataga o le vaiaso mo le fia maua o lea tagata ona o le gaioiga solitulafono na tupu i le Aso Sa, ae tagofia ai e lē ua nofo taofia nei se laau malosi ma faaoo ai le maliu i le malu o le Malo le susuga Peniamina Perite.
O Pokati Tu’u e tusa o faamaumauga a leoleo sa aafia i ni solitulafono tau laau faasāina o le maruana i ni tausaga ua tuanai.
O le sailiga a leoleo i Fasitoo uta i le aoauli o le Aso Lua o le vaiaso nei na maua ai Pokati e pei ona nofo taofia ai nei mo suesuega.
