Ua faailoa e le ta’ita’i o le vaega faaupufai a le ACT, David Seymour ua ia talosaga i le Matagaluega o A’oga ia silasila i lipoti ua ta’ua ai o loo ave e faia’oga lunches poo meaai a tamaiti a’oga.
Na faia lea saunoaga a Seymour i se feiloa’iga ma tusitala i Aukilani ma ia ta’ua ai o faamatalaga na ia maua mai se tasi o a’oga i Aukilani i Saute, e faapea na aveese mai e faia’oga meaai mai tamaiti mo ni nai vaiaso, ae o tamaiti e mai le aiga lava e tasi.
Na ia ta’ua ai o ia faamatalaga ua faailoa ai foi na o tamaiti i le fale o fia aai, taumafai tamaiti e vili o latou mātua ae aveesea mai telefoni ma i latou ona o le sā a le malo i le faaaogā o telefoni i le a’oga.
Fai mai Seymour ona o ia o le minisita lagolago mo A’oga aemaise le polokalame mo taumafa mo le fanau i a’oga, ua ia talosaga ai i le matagaluega ia faia se su’esu’ega i ia faamatalaga feavea’i.
Puna o Faamatalaga: https://www.nzherald.co.nz/nz/politics/government-tells-public-services-to-deliver-based-on-need-not-race/3WX4KBSKPFE2RLEY32K2XMUYSI/
