E le o autasi nisi o matua ma faiaoga I totonu o Aukilani I le vave tuu mai I luma o le tuuaga o aoga
O lea ua toe lua vaiaso tuua aoga ma I le toe nofo o Aukilani I le vaega o lapataiga 4 talia e ono see I le tolu I le vaiaso fou, ua sau ai le manaoga o matua pe aisea e le tuu mai ai I luma le tuuaga e faaaoga ai taimi o loo nonofo ai I le fale ona o tapu
O nisi o matua ua o se avega le taumafaiga o aoga a fanau o loo iai nei mai fale, ao nisi o le tau o daycare e totogi e ave iai fanau pe a tuua ane ae a’e galuega, peitai o lea ua aafia le tele o tupe maua ma galuega ona o le faamai
Afai ae see Aukilani I le vaega o lapataiga 3 I le vaiaso fou, e le tele se suiga mo fanau aoga ona e le mafai lava ona o I aoga
I le tali mai o le peresetene o aoga tulagalua I totonu o Aukilani, Stephen Lethbridge, e le faigofie lea talosaga ona o le tulaga ua eseese ai vaega o lapataiga mo le atunuu ma e sili ai lava le tuu pea I le aso 2 o Oketopa lea e tuu e amata ai le tuuaga
O le mau foi lea a puleaoga na faaali finagalo I tala a le Herald, o le toe sui o aso o le tuuaga o le a tele ai isi galuega ma fesuiaiga
