E tigaina manu’aga o le atalii 14 tausaga lea na fasi i totonu o le lotoā a le kolisi a Ashburton.

Ua toe molimau le tina o le atalii i vaaiga faamomoi loto ma le faate’ia ina ua taunuu atu i le falema’i ma vaaia lana tama e tau lē mafai ona pupula.

I lipoti a le 1News ua ta’ua ai, e talitonu le tina o lea lava na fasi seia oo ina lē iloa se mea.

Ua faamaonia e le pulea’oga o le kolisi o lea na iai le faaoolima na tula’i mai i le va o fanau a’oga e toalua i le Aso Faraile faato’ā uma atu.

O se faamaoniga mai leoleo o lea ua faasolo foi a latou suesuega i lipoti o le faaoolima ua faaoo atu.

I se suesuega a le falema’i o loo iloa ai ua afaina lona tuasivi faapea ai ma lona ulu.

E lē o ta’ua mai poo ā aupega na faaaogā i lenei faaoogalima e fua i le tugā o manu’aga, pau o lea ua faamālōlō lē tumau mai le a’oga a o faasolo suesuega lē na faia ma o lea foi ua oo lipoti i le matagaluega o a’oga.

Puna o Faamatalaga: Mother claims son was hit unconscious by Ashburton College student (1news.co.nz)