Ua faatino nei vaega faaiu mo le faia o le faaiuga a le faigamalo a Kuiniselani e faatatau i le mataupu pe fausia seisi stadium fou mo taaloga o le 2032 lea e talimalo ai Brisbane, ina ua maea tuuina ane le lipoti faaiu mai asiasiga sa faia i nofoaga e faaaoga.
Ta’ua i lipoti, ua fautuaina ai le fausia o le Victoria Park e fai ma nofoaga fou o le Olimipeka lea poo le Olympic stadium.
O lea faaiuga sa faailoa ane i le faigamalo i le tolu vaiaso talu ai ma sa faia ai loa ma fetuunaiga aemaise ua lipotia foi le gaioi oi latou e tetee i le manatu lea o le fausia o se stadium a le Olimipeka i luga o Victoria Park.
Ua faailoa e le alaata 9 ua o latou maua faamatalaga o loo iai se fuafuaga e faasee ane le Athletes Village mai Hamilton agai i Bowen Hills ma faia ai ma seisi precinct fou i talaane o le Brisbane showgrounds.
Faatalia la se faaiuga o le a faia a le faigamalo i le mataupu lenei.
Puna o Faamatalaga:https://www.google.com/amp/s/amp.9news.com.au/article/8822ff5a-cc2c-49c1-b010-1bb5d6921e7e
