2 vaiaso ua toe tuu atu e le malo e le vaega o tineimu e faia ai tui o le Koviti

I faamaoniga mai le iuni tauala mai I ripoti a le TV1 o loo faamautinoa mai ai ua le faagataina I le aso le tatau ona faia tui muamua mo le aufaigaluega, ao lea ua tuu atu I le aso 29 o le masina nei

Ae mo le tui lona lua, o lea ua tuu atu iai le aso 14 o Ianuari 2022 e tatau ona oo atu iai ua uma

O le faaiuga ua tuuina o le tali lea o le talosaga a le iuni na tuu atu I le malo ona o le utiuti o le taimi ma na sau ai foi ma le lapataiga afai ae le toe suia o le a aafia ai ma auaunaga a le tineimu aemaise o le toatele o le aufaigaluega o I latou o loo volunteer

O se tali ua faafiafiaina ai le pulega ma o lea na sainia I le Aso Toonai lea maliega fou

I se tali a le minisita o le Koviti, Chris Hipkins o le lua vaiaso toe faaopoopo mo le vaega o tineimu ua tuuina mai ua fai tutusa ai ma le piriota na ofoina atu foi mo leoleo

Ese mai I leoleo ma le ofisa o tineimu, o le aso le aso mulimuli e tatau ona uma ane ua maea faia tui muamua o I latou o loo galulue I le soifua maloloina faapea aoga, a leai e le mafai ona usu mai a taeao