Ua talia e le aufaigaluega a St John le ofo fou o totogi na tuuina mai e le pulega, ma o lona uiga ua taofia ai nei ma tetee.

Ua sau ai i le mae’a faailoa mai e le malo ananafi o le a siitia le lagolago a le malo e ala i le faamatuu mai o le isi $21 miliona, ma o lona uiga ua lata ai i le $357 miliona le sao o tagata totogi lafoga mo St John i totonu o lenei tausaga faaletupe 2024 – 2025.

O se fesoasoani faaopoopo e sau mai le taui o faalavelave faafuase’i ma le soifua mālōlōina.

O totogi nei na faia ai tetee faaauau a le aufaigaluega i le masina talu ai, peitai o lea ua maua le taunuuga manuia.

Ua faafetaia ai e le sui o le pulega a St John le malo ma lana fesoasoani faaopoopo, ma fai mai ai e moomia pea nisi fesoasoani faaopoopo i le aga’i i luma.

O le finagalo foi lea o le sui o le iuni, e talia ma le agaga faafetai le sao o le malo, peitai e lē lava.

Puna o Faamatalaga: St John ambulance staff accept pay offer