Ua toe alu le isi faatalanoaga e talanoa ai le lumanai o tupe pepa
I masina talu ai na toe silasila ai le faletupe tutotonu a le atunuu i isi auala e faia ai peimeni ao fefaatauai
Faamaonia e le kovana lagolago a le faletupe i tala a le TV1, Christian Hawkesby, o tupe pepa poo cash o loo faaaogaina nei o loo faaauau pea ona sau i lalo le fuainumera o tagata latou te faaaogaina, ma o le mafuaaga foi lea ua amata solomuli ai faletupe ma faleoloa e faaaoga
Ae i le faletupe tutotonu o loo iai lava lona manao e taofi pea tupe pepa ona e iai lava foi taimi e moomia ai e tagata, ao le itu e lelei ai o le tapa atu ae o loo mafai ona tala mai i tua mai faaputugatupe
I faatalanoaga faaauau o loo faia pea nei o le a fua iai le lumanai o le faaaoga pea o tupe pepa, ma o le amataga o le tausaga fou e maua ai se isi tonu fuafua ai sitepu amata e aloaia ae e le i oo i le faaiuga o Aperila
